Ekki alls fyrir löngu kynntu KR-ingar stórhuga hugmyndir um uppbyggingu á KR-svæðinu. Rætt var um einhverskonar  miðstöð menningar í Vesturbænum sem yrði reist umhverfis nýjan leikvang KR liðsins. Þrátt fyrir erfitt ástand í samfélaginu erum við KR-ingar hvergi nærri hættir og enn er unnið undir stjórn Péturs Marteinssonar að þessum hugmyndum. Við KR-ingar þurfum að halda áfram þessari vinnu og þrýsta á borgaryfirvöld því án þeirra gerum við lítið.

Greinin birtist fyrst á krreykjavik.is

Þetta er það svæði sem við KR-ingar höfum úr að moða. Eins og sjá má væri auðveldlega hægt að koma fyrir um 6.000 manna leikvangi.

Þeir sem hafa lýst sig hvað mótfallnasta þessum hugmyndum vilja ekki sjá stærðarinnar leikvang á lóðinni er KR svæðið stendur á. En fæstir gera sér í raun í hugarlund hver stærð á svona leikvangi yrði. Þetta er ekki eins yfirþyrmandi og andstæðingar framþróunar félagsins vilja meina. Sjálfur vil ég sjá sem glæsilegastan leikvang sem yrði félaginu til sóma. Á vafri mínu um veraldarvefinn skoðaði ég nokkra velli sem ég myndi vilja sjá sem fyrirmynd af leikvangi okkar KR-inga. Allir eiga þeir það sameiginlegt að rúma 5-8.000 áhorfendur en það eru þær tölu sem hafa verið nefndar. Við skulum skoða vellina.

Þessi mynd er af Nene Park heimavelli Rushden and Dimonds er leikur í utandeildinni í Englandi. Völlurinn tekur rúmlega 6.000 áhorfendur en er þrátt fyrir það með stúku allan hringinn og glæsilegur í alla staði. Þetta er sá völlur sem ég myndi vilja sjá KR-völlinn líkjast hvað mest. Hér má sjá aðra mynd af vellinum tekna af stúkunni fyrir aftan markið.

Hér kemur svo sú þriðja en eins og sjá má þá eru stæði fyrir aftan markið, sem ég veit að myndi gleðja marga

Næsti völlur sem við skoðum er Sixfields stadium heimavöllur Northampton í ensku c deildinni. Leikvangurinn tekur rúmlega 7.500 áhorfendur í stæði og samanstendur af einni stórri stúku og þremur minni.

Völlurinn er virkilega skemmtilegur og myndi sóma sér vel í Frostaskjólinu. Stúkurnar fyrir aftan mörkin taka um 800 áhorfendur hvor en sú stóra eins og sér tekur 4.000 áhorfendur.Eins og sést á myndunum er stúkurnar fyrir aftan mörkin einungis stúkur en engar byggingar eru áfastar. Slík nýting verður að teljast döpur en í hugmyndum okkar KR-ingar er gert ráð fyrir betri nýtingu. En við pælum ekki í því hér, heldur einungis hvernig völlurinn gæti litið út fyrir okkur stuðningsmenn. Hér kemur önnur mynd af stúkunni fyrir aftan markið.

Næst er að finna teikningu af nýjum velli þeirra St. Mirren manna í Skotlandi en völlurinn var tekinn í gagnið ekki alls fyrir löngu. Hann tekur rúmlega 7.000 áhorfendur í sæti.

Hérna sést hvernig stúkurnar líta út, en sætin minna okkur á stórveldið.

Næsti völlur er heimavöllur Burton Albion er leikur í ensku utandeildinni. Völlurinn tekur um 6.000 áhorfendur og þar af rúmlega 2.000 í sæti. Að sjálfsögðu yrði nýtingin ekki slík á okkar velli en ég læt hann fylgja með til þess að sýna stærðina.

Það eru sæti einungis í einni stúku af fjórum en hinar hafa einungis stæði.

Endilega segið ykkar skoðun og póstið myndum af leikvöngum sem þið teljið að myndu henta vel í Frostaskjólið.

Ummaeli

Skrifa ny ummaeli Leita

Hjaltiooo   |2009-02-04 10:11:22 KR.... hvað er það eitthvað ofan á brauð? vá hvað þetta var lélegur brandari. Annars er hrikalega gaman að skoða þessa velli! KRingar væru líklegast best allra liða á landinu komnir að því að eiga svona völl!! ég verð síðan bara að segja að almennt séð finnst mér nú aðkoman að KR heimilinu og vellinum nú ekkert sérstök í augnablikinu!!! ég get ekki séð hverskonar afturhaldskommatittir ættu að vera á móti þessum breytingum!!!! hvernig væri síðan að smíða bílastæðahús undir vellinum allavega þykir mér það ljóst að það þarf að taka heildar skipulag KR svæðisins í gegn ef þetta á að verða að veruleika!!! vona að þetta verði að veruleika fyrr en síðar.... Svara | Quote 0   0

Bjössi     |2009-02-04 10:14:33 Getur verið rétt skilið hjá mér að ætlunin hafi jafnvel verið að nýta bílastæðin við Háskóla Íslands, Þjóðarbókhlöðuna og þar um kring fyrir þetta og hafa svo rútuferðir þaðan á völlinn? Svara | Quote 0   0

elli   |2009-02-04 12:08:51 Djöfull eru menn að fara fram úr sér samt. Sérstaklega ef eitthvað er til í þessum rútuhugmyndum. Þetta er bara dæmi sem gengur ekki upp á Íslandi. Svara | Quote 0   0

Stebbi G   |2009-02-04 19:01:40 Mér finnst ekkert að þessum hugmyndum, og myndi fagna því ef við KR-ingar myndum bera gæfu til þess að reisa slíkan leikvang á svæðinu okkar. Úrtöluraddir um að þetta myndi aldrei ganga upp tel ég rangar af því að: a) Það yrði líklegast hægt að byggja þetta upp í áföngum, en með heildarskipulag kortlagt frá upphafi. Fjármögnun er auðvitað höfuðverkur í núverandi árferði, en ætli hún hafi ekki líka verið það þegar núverandi stúka var byggð? b) Einhvern tímann kemur að því að slíka aðstöðu muni vanta, og t.d. 6000 manna stúka er ekki langt frá þeim fjölda sem mest hefur sótt völlinn í seinni tíð, og trépallarnir sem þá hefur verið gripið til eru nú ekki besta lausnin á þeim vanda. c) Með betri aðstöðu fyrir áhorfendur, þá koma fleiri á völlinn. Svara | Quote 0   0

Tryggvi     |2009-02-06 13:54:53 Fyrir utanaðkomandi aðila virkar eins og það sé svona "if you build it they will come" andi yfir þessu. Sem er jákvætt og spennandi. Sjálfur er ég þeirrar skoðunnar að vellir eigi ekki að vera byggðir til að rúma svokallaða "rútudaga". Þessir stórleikir sem oft eru hafðir til hliðsjónar koma á nokkra ára fresti og svara stundum varla kostnaði við teikningarnar. Laugardalsvöllur er einmitt gott dæmi um völl sem er hugsaður fyrir stórviðburði. Þess á milli er hann handónýtur. Að vísu er leikvangurinn líka handónýtur á stórviðburðum en rúmar þó marga. Það eitt gerir hann ekki að góðum velli samt. Flestir geta verið sammála um að helsti styrkurinn við KR-völlinn er hversu þéttur hann er. Ef menn fara að dreifa áhorfendum á fjóra kanta er augljóst að það bitnar á stemmningunni. Stemmningin er ástæðan að leikmönnum finnst skemmtilegra að spila á KR-vellinum en Laugardalsvelli. Sá fyrrnefndi er pakkaður með 2000 manns á meðan sá síðarnefndi er innantómt gímald með sama fjölda. Vissulega má KR-völlurinn við því að stækka en ég sem áhugamaður vona að menn byggi ekki yfir sig í einhverju rembingskasti. Það finnst engum gaman að sitja innan um auða plaststóla. Hins vegar þegar öllu er á botninn hvolft þá er þetta eflaust ótímabær umræða. Miðað við að helsti velgjörðarmaður KR á að vera gjaldþrota og ríki eða sveitarfélög eiga ekki fyrir byggingum sem þegar er komnar í framkvæmd, má fullyrða að þetta sé draumur sem mun varla verða að veruleika næstu 10 árin. Því miður fyrir KR-inga ef maður mátar dómarasætið augnablik. Engu að síður gæti það líka verið jákvætt með framtíðarþróun í huga. Mikil markaðsvæðing hefur verið í kringum boltann síðustu árin sem verður varla eins umfangsmikil á næstunni. Áhorfendatölur næsta sumar munu ekki endilega endurspegla síðustu árin og því spurning um hver rauveruleg þörf verður . Borgarskipulag er líka mikilvægt í þessu tilliti. Hver er framtíð flugvallarins og verður t.d. íbúabyggð í Örfyrisey eins og talað hefur verið um? Þetta hlýtur að hafa áhrif. Svara | Quote 0   0

Skrifa ummaeli
Nafn:
E-mail:	ekki deila tolvupostideila tolvuposti
Vefsida:
Titill:
Breyta texta:	-litur-aquablackbluefuchsiagraygreenlimemaroonnavyolivepurpleredsilvertealwhiteyellow -staerd-tinysmallmediumlargehuge
	Skrifadu stafina a myndinni.

Powered by !JoomlaComment 3.26

3.26 Copyright (C) 2008 Compojoom.com / Copyright (C) 2007 Alain Georgette / Copyright (C) 2006 Frantisek Hliva. All rights reserved."