Næsta keppni eftir c.a. tvær vikur í Hafnarfirði og eftir mánuð í miðbænum.

1.    Spurt er um leikvang. Leikvangurinn tekur rúma 50 þúsund áhorfendur í sæti. Á þessum leikvangi fór úrslitaleikur Meistaradeildar Evrópu fram á 21. öld þar sem stærra liðið fór með sigur af hólmi. Þar fór einnig fram úrslitaleikurinn í hinni Evróukeppninni, þ.e. UEFA bikarnum eða Evrópudeildinni – hvaða heiti sem keppnin hafði á þeim tíma. Tvö lið frá sömu borg og leikvangurinn stendur í hafa orðið landsmeistarar á öldinni. Hvorugt liðanna spilar þó á leikvanginum sem um er spurt. Íslenska karlalandsliðið hefur spilað oftar en einu sinni á þessum velli á þessari öld. Hver er leikvangurinn?

2.    Keflvíkingar töpuðu 2-0 á heimavelli fyrir Fram í lokaumferð Íslandsmótsins árið 2010. Heimamönnum dugði sigur til að tryggja sér Íslandsmeistaratitilinn en féllu á prófinu. Leikurinn var í beinni útsendingu á Stöð 2 Sport þar sem Hörður nokkur Magnússon fór á kostum í lýsingu. Sérstaklega sleppti Höddi sér í síðara marki Framara sem kom eftir skyndisókn. Hver skoraði mark Framara?

3.    Liverpool vann sinn fyrsta bikar í sex ár síðastliðinn sunnudag með sigri á Cardiff í úrslitum deildabikarsins. Liverpool beið lægri hlut síðast er liðið lék til úrslita í sömu keppni og varð Steven Gerrard meðal annars fyrir því óláni að skora sjálfsmark í leiknum. Hvernig fór leikurinn og hver var andstæðingurinn?

4.    KR varð bikarmeistari í knattspyrnu karla sumarið 2011 eftir 2-0 sigur á Þór. Þórsarar voru að flestra mati betri aðilinn í leiknum og skutu meðal annars nokkrum sinnum í þverslá KR-marksins. Hversu oft smnskall boltinn í þverslá Hannesar Þórs í marki KR?

5.    Ungur Fylkismaður hefur samið við hollenska félagið PSV Eindhoven. Leikmaðurinn kom töluvert við sögu síðastliðið sumar hjá Fylki og stóð sig vel á miðjunni. Bróðir hans fór ungur að árum til Ipswich en hefur glímt við erfið meiðsli undanfarin ár. Hvað heitir Hollandsfarinn ungi?

6.    Í kappleik í ensku úrvalsdeildinni árið 2005 vakti meirihlutaeigandi Norwich athygli. Eigandinn, sem var kvenkyns, greip hljóðnemann í hálfleik þegar staðan var slæm og talaði til stuðningsmanna: „Hér eru skilaboð til bestu stuðningsmanna heims. Við þurfum tólfta mann. Hvar eruð þið? Hvar eruð þið? Látið í ykkur heyra, come on!“ Athæfið vakti mikla athygli og vakti ekki sérstaka lukku hjá stuðningsmönnum Norwich. Hvað heitir þessi ágæta kona?

7.    Einn stærsti sigurinn í seinni tíð í íslenska boltanum átti sér stað í lokaumferð Íslandsmótsins 2003. Þá steinlágu Íslandsmeistarar KR 7-0 gegn FH. Einn leikmaður FH skoraði þrennu þennan dag. Hver var það?

8.    Ísland sigraði Tékkland 3-1 á Laugardalsvelli í undankeppni HM 2002. Eyjólfur Sverrisson, Andri Sigþórsson og Helgi Sigurðsson skoruðu mörk Íslands. Tékkar minnkuðu muninn seint í leiknum með marki frá einum af þekktari leikmönnum þeirra. Sá vann meðal annars Meistaradeildina árið 2007. Hver skoraði markið?

9.    Íslenska U-21 árs landsliðið komst í úrslitakeppni EM 2011 eftir magnaða undankeppni þar sem Þjóðverjar voru meðal annars slegnir út. Það gekk hins vegar ekki jafnvel þegar í lokakeppnina var komið. Einn leikur vannst og tveir töpuðust. Hver var markatala Íslands í keppninni?

10.    Úrslitaleikur Meistaradeildarinnar árið 2001 fer ekki í sögubækurnar fyrir skemmtilegheit. Reyndar voru skoruð í honum ellefu mörk en öll komu þau úr vítaspyrnum. Valencia komst yfir með marki úr vítaspyrnu á 2. mínútu og skömmu síðar fékk Bayern tækifæri til að jafna út vítaspyrnu. Canizarez varði hins vegar spyrnu Mehmet Scholl. Bayern fékk annað víti í upphafi síðari hálfleiks og þá steig annar maður á punktinn sem skoraði líka. Fleiri mörk voru ekki skoruð í venjulegum leiktíma og framlengingu og því var gripið til vítaspyrnukeppni. Þeir sem skoruðu úr spyrnum sínum í venjulegum leiktíma gerðu það líka í vítakeppninni. Hverjir voru markaskorararnir þetta hundleiðinlega kvöld í Mílanó?

11.    Markakóngur EM 2008 skoraði fjögur mörk, öll í riðlakeppninni. Hver er hann?

12.    Spurt er um nafn. Þetta nafn ber einn besti leikmaður sem spilað hefur í íslensku deildinni á þessari öld. Þetta nafn ber stjórnarformaður knattspyrnuliðs í London. Þetta nafn ber hægri bakvörður Fram í efstu deild. Þetta nafn bar knattspyrnustjóri West Ham á þeim tímapunkti þegar Eggert Magnússon og Íslendingarnir tóku yfir félagið. Hvert er nafnið?

13.    George Elokobi er einn dáðasti leikmaðurinn í ensku knattspyrnunni hér á landi þökk sé umfjöllun Messumanna. Hvers lenskur er Elokobi?

14.    Markakóngur ensku úrvalsdeildarinnar tímabilið 2008-2009 skoraði aðeins 19 mörk í 37 leikjum. Það var lægsti markafjöldi í tíu ár. Sá sem var markakóngur lék með liðinu sem hafnaði í þriðja sæti deildarinnar. Hann er 32 ára í dag og hefur skipt um lið. Um 11 þúsund kílómetrar skilja að aðsetur nýja félagsins frá því gamla. Hver er leikmaðurinn?

15.    Leeds United skipti nýverið um knattspyrnustjóra. Ekki voru allir Leedsarar sáttir enda vilja flestir skipta um eiganda og losna þar með við Ken Bates. Stjórinn sem fór frá Leeds er nú tekinn við Huddersfield og viti menn, Jóhannes Karl Guðjónsson er aftur byrjaður að spila fótbolta. Hvað heitir þessi knattspyrnustjóri og hvað heitir knattspyrnustjórinn sem Jói Kalli var úti í kuldanum hjá, stýrði liðinu í 44 leikjum í röð án þess að tapa en var samt rekinn fyrir nokkrum vikum?

16.    Scott Parker fékk fyrirliðabandið í vináttuleik Englands og Hollands í gær við misgóðar undirtektir knattspyrnuunnenda. Flestir eru þó á því að Parker sé frábær knattspyrnumaður en hann lék með fjórum úrvalsdeildarfélögum í Englandi á þessari öld áður en hann samdi við Tottenham. Hver eru félögin fjögur?

17.    Lionel Messi er að margra bati besti knattspyrnumaður heimsins og sumra mati sá besti nokkru sinni. Messi fagnar mörkum sínum ávalt með því að lyfta fingrum í átt til hims til minningar um ákveðin aðila. Hver er aðilinn?

18.    Ungur Framari hefur heldur betur slegið í gegn hjá stórliði Juventus á Ítalíu. Framarinn, sem er á 19. aldursári, átti verstu mögulegu byrjun hjá ítalska liðinu. Fyrst fékkst leikheimild ekki fyrir hann og svo reif hann liðþófa í hné. Svo fór sólin að skína hjá kappanum og hann hefur látið mikið að sér kveða hjá varaliðinu og var nýverið valinn í U21 árs landsliðið. Hvað heitir leikmaðurinn?

19.    Landslið Sambíu varð Afríkumeistari í knattspyrnu á dögunum. Afar óvæntur sigur hjá þjóð sem þurfti að byggja upp nýtt landslið eftir að gullaldarkynslóð þjóðarinnar lést í flugslysi árið 1993. Eins merkilegt og það er varð flugslysið fyrir 19 árum í sama Afríkulandi og þar sem Sambíumenn tryggðu sér Afríkumeistaratitilinn. Hvert er landið?

20.    Raðið eftirfarandi knattspyrnusnillingum í aldursröð. Frá þeim yngsta til þess elsta. Kaka, Zlatan, Mario Götze, Leo Messi og Cristiano Ronaldo.

21.    Vincente Calderon er heimavöllur Atletico Madrid. Lið í Championship-deildinni hefur á að skipa tveimur Spánverjum. Annars heitir Vincente Rodriguez og hinn Inigo Calderon. Gaman að því. Félagið vann C-deildina, League one, í fyrra og spilar á Falmer-vellinum. Viðurnefni félagsins er Mávarnir. Hvert er félagið?

22.    Sama íslenska félagið varð bikarmeistari árið 2001 og 2002. Fyrra árið þurfti vítaspyrnukeppni til gegn KA en hið síðar lágu Framarar 3-1. Hvert er liðið?

23.    Leeds United fór mikinn um aldamótin, sérstaklega í Evrópukeppnum. Félagið komst í undanúrslit UEFA bikarsins og Meistaradeildar tvö ár í röð. Leeds eyddi líka miklum fjármunum í leikmenn. Þeirra dýrastur var leikmaður sem gekk til liðs við félagið frá West Ham á 18 milljónir punda og var gerður að fyrirliða um leið. Hver er leikmaðurinn?

24.    Jose Mourinho er einn sigursælasti þjálfari 21. aldarinnar. Hann vann fjölda titla með Porto, Chelsea og Inter en hversu marga hefur hann unnið sem knattspyrnustjóri Real Madrid?

25.    Hvaða enski knattspyrnumaður á eftirfarandi feril að baki. Ferillinn er í tímaröð. Charlton – Leeds – West Ham – Newcatle – West Ham – Birmingham – Ipswich. Hann á að baki einn landsleik og er á 35 aldursári.

26.    Á rúmu ári hafa þrír heimsfrægir knattspyrnumenn slegið metið „elsti leikmaðurinn til að skora í Meistaradeildinni“. Þeir eru allir fæddir árið 1973. Þeir hafa allir verið í sigurliði í Meistaradeild Evrópu. Einn þeirra hefur orðið heimsmeistari, annar spilað í tveimur heimsmeistaramótum en ekki verið valinn í hópinn af óskiljanlegum ástæðum í tvö önnur skipti, sá þriðji hefur aldrei spilað á HM. Hverjir eru leikmennirnir?

27.    Íslenska landsliðið hefur nú spilað tvo landsleiki undir stjórn Lars Lagerback. Báðir töpuðust þrátt fyrir fína spretti en hafa verður í huga að andstæðingarnir eru mun hærra skrifaðir en Ísland. Hverjir voru í kantmenn Íslands í leikjunum tveimur?

28.    Sumarið 2003 féll Grindavík úr forkeppni UEFA keppninnar gegn austurrísku félagi. Eftir 2-1 tap úti voru Grindvíkingar 1-0 yfir og 90 mínútur komnar á klukkuna. Þá gerði markvörður Grindavíkur sig sekan um slæm mistök þegar hann missti máttlítið skot í markið. Evrópudraumurinn úti. Hvaða félag sló Grindavík út og hvaða Íslendingur lék með því?

29.    Hvaða Íslendingur hefur spilað flesta A-landsleiki fyrir Íslands hönd, 112 leiki?

30.    Íslenski landsliðshópurinn er laus við áfengi á meðan Lars Lager-back stýrir liðinu. Lagerback rak þrjá leikmenn sænska landsliðsins úr landsliðinu fyrir leik í undankeppni EM 2008. Þeir virtu ekki reglur liðsins og voru sendir heim. Reyndar var leikurinn gegn Liechtenstein og ég velti fyrir mér hvort hann hefði tekið sömu ákvörðun hefði leikurinn verið útileikur gegn Hollandi. Anyhow, hverjir eru leikmennirnir þrír sem hvíldu einn landsleik?

Fyrri myndagetraun. Hverjir eru leikmennirnir?

Seinni myndagetraun. Hverjir eru leikmennirnir?

1.    Einhver óvæntustu úrslit í sögu knattspyrnunnar litu dagsins ljós á Wembley árið 1953. Þá mættu Englendingar, upphafsmenn knattspyrnunnar eins og við þekkjum hana í dag, annarri þjóð af meginlandi Evrópu. Andstæðingurinn tók England í kennslustund, vann 6-3 sigur, en yfirburðir andstæðingsins þóttu með ólíkindum. Óhætt er að segja að sigið hafi á ógæfuhliðina hjá þjóðinni undanfarna áratugi þótt liðið sé, líkt og flest önnur, ofar en Ísland á styrkleikalista FIFA. Hver er Evrópuþjóðin? Ungverjaland

2.    Hinn sænski Sven Göran Eriksson kom Englendingum á þrjú stórmót í knattspyrnu. HM 2002, EM 2004 og HM 2006. Á öllum mótunum þremur duttu Englendingar út á sama stigi keppninnar. Hvaða stigi? Átta liða úrslit

3.    Nýverið var tilkynnt hvaða dómarar muni blása í flauturnar á EM í Póllandi og Úkraínu næsta sumar. Enginn Íslendingur dæmir á mótinu frekar en fyrri daginn þ.a. sökum vinsælda enska boltans hérlendis mætti líta svo á að Englendingurinn í dómarahópnum sé fulltrúi Íslands. Dómarinn deilir eftirnafni með fyrrum landsliðsmanni Englands og leikmanni Manchester United og Nottingham Forest. Hver er dómarinn? Howard Webb

4.    Hvaða þjóð tókst síðast að verða heimsmeistari með því að vinna alla leiki sína í keppninni? Brasilía 2002

5.    Emil Hallfreðsson hefur farið á kostum á yfirstandandi tímabili í Serie B í ítalska boltanum. Með hvaða tveimur liðum hefur Emil leikið með á Ítalíu? Reggina og Hellas Verona

6.    Hvaða ár varð Liverpool, annað af stóru liðunum tveimur í Liverpool borg, síðast enskur meistari? 1990

7.    Hversu oft varð Pele heimsmeistari? 3

8.    Spurt er um leikmann. Hann náði eiginlega aldrei þeim hæðum sem reiknað var með. Hann spilaði lengst af í heimalandi sínu en var þó keyptur til Fiorentina á Ítalíu þar sem er óhætt að segja að hann hafi ekki vakið mikla lukku. Sérstaklega ekki þegar hann ákvað að stinga af til heimalandsins til þess að djamma einmitt þegar Gabriel Batistuta, aðal framherji liðsins var meiddur og félagið átti möguleika á að vinna titilinn. Hann komst oft í fréttirnar fyrir vitleysu. Einu sinni fékk hann cirkus til þess að troða upp í afmælisveislu sonar síns og var sakaður um að hafa hellt apann fullann af viský og bjór. Leikmaðurinn átti í haturssambandi við framherjann Romario. Hver er leikmaðurinn? Edmundo

9.    Roberto Rojas varð heimsfrægur árið 1989. Þá mætti þjóð hans Brasilíu í lokaleik undankeppni HM 1990 og þurfti sigur til að komast áfram. Marki undir greip Rojas til örþrifaráðs. Þegar flugeld var kastað í áttina til hans greip hann um höfuð sitt og henti sér í jörðina. Með rakvélarblað á lofti skar hann sig í andlitið svo honum blæddi og allt liti sem verst út. Kollegar Rojas gengu af velli en markmiðið var auðvitað að dómarinn myndi dæma þjóð Rojas sigur vegna óláta brasilískra stuðningsmanna. Myndavélar sýndu hins vegar að flugeldurinn hafði lent metra frá Rojas og svo fór að hann var dæmdur í ævilangt keppnisbann, Brössum dæmdur sigur og þjóðinni var meinað að taka þátt í undankeppni HM 1994. En hvers lenskur var Roberto Rojas? Frá Chile

10.    Wimbledon varð óvænt bikarmeistari árið 1988 eftir 1-0 sigur á Liverpool í úrslitaleik. Fjölmörg kunnuleg nöfn voru í liði Wimbledon þennan dag. Ég ætla að telja upp fimm leikmenn. Fjórir þeirra voru í liðinu en einn þeirra spilaði aldrei með Wimbledon. Terry Phelan, Lawrie Sanchez, John Fashanu, Bobby Gould og Dennis Wise. Bobby Gould – hann var þjálfarinn.

11.    Gylfi Þór Sigurðsson hefur stimplað sig inn í enska boltann á undanförnum vikum. Gylfi Þór lék í treyju númer 11 hjá Hoffenheim en hvert er treyjunúmer hans hjá Swansea? 42

12.    Spurt er um leikmann. Hann spilaði á fjórða hundrað leiki í efstu deild á Englandi og níu landsleiki fyrir þjóð sína. Hann var miðjumaður og spilaði meðal annars með Leeds, Wimbledon, Sheffield United og Chelsea. Hann gaf á sínum tíma út myndband um „hörðustu menn knattspyrnunnar“ þar sem hann gaf góð ráð um hvernig ætti að fara illa með mótherjann á knattspyrnuvellinum. Að ferlinum loknum hefur hann getið sér gott orð í kvikmyndaiðnaðinum. Vinnie Jones

13.    Spurt er um Evrópubúa. Hann ætlaði sér að verða bóndi en sneri sér síðar að fótboltanum. Hann var aðstoðarþjálfari hjá félagi í heimalandi sínu þegar hann var 19 ára. Þegar þjálfarinn áttaði sig á því að okkar maður væri þokkalegur með boltann ákvað hann að nýta hann inni á vellinum og úr varð 16 ára ferill. Líklega skein frægðarsól hans hæst þegar hann spilaði við hlið George Best hjá San Jose Earthquakes í Bandaríkjunum en þeir deildu oftar en ekki herbergi á ferðalögum. „Nei, George er sofandi,“ var svar sem hann þurfti oft að gefa kvenkynsaðdáendum sem slógu á þráðinn á hótelherbergi þeirra félaga. Hann varð hins vegar fyrst og fremst frægur sem þjálfari. Hann hefur einu sinni unnið meistaradeildina sem þjálfari en einnig enska bikarinn. Þá stýrði hann þjóð á HM 1998 í 5-0 sigurleik gegn þjóð sem hann stýrði svo á HM 2002. Hver er maðurinn? Gus Hiddink

14.    Víkingur í Reykjavík teflir fram einhverju reynslumesta sóknarpari landsins. Leikmennirnir eru báðir á 38 aldursári og hafa skorað ófá mörkin í gegnum tíðina. Hverjir eru mennirnir? Hjörtur Júlíus Hjartarson og Helgi Sigurðsson

15.    Það fór ekki framhjá neinum Íslendingi að líklega sigursælasti knattspyrnumaður þjóðarinnar, Sigursteinn Gíslason, lést á dögunum eftir baráttu við krabbamein. Sigursteinn spilaði lengst af ferlinum með ÍA og KR og vann til fjölda titla. Hversu oft varð þessi magnaði leikmaður Íslandsmeistari í meistaraflokki? 9

16.    Knattspyrnufélögin Fram, KR, Valur og Víkingur eru elstu knattspyrnufélög landsins. Reyndar er ÍR líka eldgamalt félag en það var íþróttafélag en ekki knattspyrnufélög líkt og hin félögin. Eitt þessara félaga var stofnað árið 1899, tvö þeirra árið 1908 og hið síðasta árið 1911. Hvaða félög voru stofnuð hvaða ár? KR 1899, Fram og Víkingur 1908 og Valur 1911

17.    Víkingur varð Íslandsmeistari árið 1981. Í liði Víkinga var meðal annars útvarps- og sjónvarpsstjarna sem kom mikið við sögu þegar NBA varð vinsælt á Íslandi upp úr 1990. Hann er enn í fullu fjöri og skemmtir nú í útvarpi á morgnana. Hver er kappinn? Heimir Karlsson

Mangia-allenatori – Borðar þjálfara

Maurizio Zamparini, eigandi Palermo, er með litríkari karakterum í boltanum. Með auðæfum sínum gafst honum möguleiki á því að eignast knattspyrnufélög, en knattspyrna var honum alltaf mjög hugleikin. Fyrsta félagið sem hann keypti var Venezia árið 1987 og átti hann það félag allt til ársins 2002. Þá seldi hann félagið og keypti Citta di Palermo með það markmið í huga að koma félaginu í deild þeirra bestu á ítalíu, markmiði sem var náð tveimur árum seinna. Palermo ól á þessum tíma af sér nokkra frábæra knattspyrnumenn sem eiga í dag farsæla ferla að baki eins og Fabio Grosso, Andrea Barzagli, Luca Toni, Simone Barone og hinn nú heimsfrægi Edinson Cavani.

Sérstakt skaplyndi Zamparini hefur oft brotist upp á sjónarsviðið því hann hefur mikið dálæti á því að reka þjálfara. Á þeim 10 árum sem hann hefur setið við stjórnvölinn hjá félaginu hefur hann rekið þjálfarann 20 sinnum, þar af eru nokkrir þjálfarar sem hafa þjálfað félagið  í nokkur skipti, t.a.m. Francesco Guidolin sem hefur verið rekinn fimm sinnum frá félaginu en síðan verið ráðinn aftur.  Þegar verst lét rak Zamparini fimm þjálfara á tíu mánaða tímabili. Í sumar réð hann Stefano Pioli sem þjálfara en Pioli náði undraverðum árangri með Chievo þrátt fyrir lélegan fjárhag félagins í fyrra og þykir einn sá efnilegasti á Ítalíu. Viku fyrir mót hins vegar, eftir að hafa tapað fyrir Napoli í æfingaleik (!), var hann rekinn og unglingaliðsþjálfarinn Devis Mangia tók við áður en hann var síðan líka rekinn nú í desember.

Zamparini er einnig sérstakur þegar kemur að leikmannakaupum en hann sér sjálfur um kaup á flestum leikmönnum. Stundum hefur hann gert fína hluti en stundum hrikaleg mistök. Daginn eftir að Palermo tapaði fyrir Maribor frá Slóveníu í undankeppni Evrópudeildarinnar árið 2010 varð hann svo reiður að í reiðiskasti sínu keypti hann tvo bestu leikmenn Maribor til Palermo, þá Ilicic og Bacinovic. Ilicic hefur reynst vel, en Bacinovic hefur ekki enn slegið í gegn. Þetta er lýsandi fyrir hvatvísi forsetans. Þegar maður er forseti stærsta íþróttafélags Sikileyjar eru tengingarnar við Cosa Nostra ekki langt undan. Zamparini heldur því þó fram að engin tenging sé á milli fyrirtækja í eigu hans og mafíunnar sem hefur enn í dag mikil ítök í daglegu lífi á Sikiley. Hins vegar hafa nýlega komið fram upplýsingar um að hátt settir menn í mafíunni hafi í mörg ár fengið VIP miða á Stadio Renzo Barbera, heimavöll Palermo.

Fjárglæframaður

Luciano Gaucci var forseti Perugia á gullaldarárum félagins frá 1994 þangað til félagið varð gjaldþrota og lagt niður árið 2005. Gaucci auðgaðist fyrst á veðhlaupahestum og fyrir utan hús hans stendur stór stytta af fyrsta veðhlaupahestinum sem hann eignaðist. Gaucci var afar litríkur og sérlundaður en á sínum tíma reyndi hann að kaupa til félagsins knattspyrnukonuna Hönnu Ljungberg en ítalska knattspyrnusambandið kom í veg fyrir það. Gaucci var það hrifinn af sviðsljósinu að hann gerði allt sem hann gat til þessað fjallað yrði um Perugia í fjölmiðlum.  Einnig réð hann konu sem aðalþjálfara Viterbese (þegar Viterbese var í hans eigu), en það félag lék í Serie-C og var sú kona fyrsta konan sem þjálfaði karlalið í ítalska deildarkerfinu.

Ahn Jung-Hwan var leikmaður sem lék með Perugia árið 2002.  Hann var hins vegar svo óheppinn að hann skoraði markið sem sló Ítalíu út af HM 2002.  Gaucci var svo reiður þegar það gerðist að hann rak hann frá félaginu.  Hér er það sem hann hafði um það að segja á sínum tíma:

“I have no intention of paying a salary to someone who has ruined Italian football. That man will not return to our team. I am outraged! He started playing phenomenally only when it came to playing Italy. I am a nationalist and his behaviour is not only an incomprehensible wound to my Italian pride, but also an offence to a country which two years ago had openly welcomed him.”

Svo mörg voru þau orð, og Ahn kom aldrei aftur til Ítalíu. Sögu Gaucci er hins vegar ekki lokið því eftir að hafa rekið Ahn tók hann upp á því að fá til félagsins son Muammar al-Gaddafi, Saadi al-Gaddafi. Hann lék þó aldrei opinberan leik fyrir félagið og féll síðan á lyfjaprófi nokkru seinna. Kaupin voru augljóslega einungis til þess gerð til að auka fjárstreymi til félagsins.

Árið 2005 hrundi þó veldi Gauccis, og óhjákvæmilega var Perugia úrskurðað gjaldþrota og Gaucci flúði land.  Hann var dæmdur í skilorðsbundið fangelsi fyrir margs konar brot. Félagið Perugia var lagt niður en síðar stofnað að nýju og spilar í dag í neðri hluta ítalska deildarkerfisins.

Twitter: @bjornmaro

Mynd fengin af www.flickr.com síðu MCFC

Manchester City hafnaði í 14. sæti í ensku úrvalsdeildinni vorið 2007. Undir stjórn Stuart Pearce skoraði liðið aðeins 29 mörk allt tímabilið, jafn mörg og Watford sem hafnaði í neðsta sæti. Sá sem hefði spáð City Englandsmeistara titli vorið 2012 á þeim tíma hefði verið lagður inn á geðdeild. Að loknum þrettán umferðum í deildinni í vetur situr City á toppnum, enn ósigrað og hefur skorað 43 mörk. Ótrúlegar sviptingar á fjórum tímabilum og ástæðan virðist blasa við. Óendanlega djúpir vasar eigendanna.

Ellefu bestu knattspyrnumenn heimsins mynda ekki endilega ósigrandi knattspyrnulið. Spyrjið bara stuðningsmenn Real Madrid sem hafa ekki fagnað Meistaradeildartitli síðan árið 2002 þrátt fyrir að félagið hafi á ári hverju styrkt leikmannahóp sinn með mörgum af bestu leikmönnum heimsins. Árangur félagsins í keppninni hefur raunar verið til skammar. Síðan forráðamenn spænska stórveldisins létu Vincent Del Bosque fara á vormánuðum 2003 hefur margur stjórinn reynt að mynda sterkt lið úr frábærum leikmönnum félagsins, lið sem gæti gert tilkall til eftirsóttasta titils álfunnar, en án árangurs.

Chelsea er líklega besta dæmið um meðallið á Englandi sem komst á toppinn í kjölfar yfirtöku auðkýfings sem var tilbúinn að leika sér með sjóði sína. Undir stjórn Jose Mourinho var liðið um tíma óstöðvandi en stuðningsmenn andstæðinganna gerðu þó lítið úr árangrinum enda ekkert að marka þá sem kaupa sér titla. Það er engin tilviljun að það er einmitt undir stjórn þessa sama Mourinho sem Real Madrid þykir í fyrsta sinn í áraraðir líklegt til afreka í Meistaradeildinni. Portúgalinn hrokafulli hefur einstakt lag á að ná til leikmanna og mynda lið sem aðrir hræðast.

Roberto Mancini hefur tekist hið sama með Manchester City. Ekki er svo langt síðan menn töldu lið City standa eða falla með Carlos Tevez. Í ljósi liðinna vikna er hins vegar ljóst að liðinu blýstendur á meðan Tevez er fjarri góðu gamni. Ólíklegt þótti að David Silva myndi passa í enska boltann, kaupin á Edin Dzeko virtust vanhugsuð og kaupin á Mario Balotelli þóttu ávísun á vitleysu. Einnig virtist augljóst að skertur leiktími stjarnanna óteljandi í leikmannahópnum myndi skapa óánægju leikmanna sem hefur hingað til ekki þótt ávísun á árangur.

Mancini hefur hins vegar tekist að mynda ógnvekjandi lið þar sem leikmenn vinna hver fyrir annan og skora nánast að vild. Peningarnir sem hafa fjármagnað kaup og launagreiðslur á stórkostlegum leikmönnum eru auðvitað lykilþáttur en stútfull skip af egóum eru alltaf líkleg til þess að sökkva ef skiptjórinn er ekki starfi sínu vaxinn. Skipið getur auðvitað enn sokkið en í augnablikinu siglir það furðu lygnan sjó sem er að miklu leyti Mancini og aðstoðarmönnum hans að þakka. Þeirra þátt í árangri City skyldi ekki vanmeta.

Spurt er um Íslending. Hann hefur komið við hjá mörgum íslenskum félögum þar á meðal FH og KR en einnig haft viðkomu á Akureyri og Hornafirði. Auk knattspyrnu hefur hann getið sér gott orðspor í annarri íþróttagrein. Undanfarin ár hefur hann þó einbeitt sér að knattspyrnunni. Hann var mikið í umræðunni á vormánuðum en fór lítið fyrir honum í sumar ólíkt því sem reiknað hafði verið með. Hann er deilir nafni með karakter af gamla skólanum í Spaugstofunni.

Svar sendist á tumi@sammarinn.com. Dregið verður úr réttum svörum og fær viðkomandi einn skítkaldan á English Pub í Hafnarfirði í kvöld.

Laun sem landsliðsþjálfari Svía

Samkvæmt sænskum vefmiðlum var Lagerbäck með um 35 milljónir íslenskra króna í árslaun undir lokin hjá sænska landsliðinu. Það svarar til 2.9 milljóna íslenskra króna á mánuði*.

Lagerbäck starfaði við A-landslið Svía á árunum 1998-2009. Fyrst sem aðstoðarþjálfari, svo sem annar af tveimur aðalþjálfurum en frá árinu 2004 réð hann einn ferðinni. Landsliðið komst á öll stórmót á árunum 2000-2008. Frábær árangur og gera má ráð fyrir að laun hans hafi farið hækkandi eftir því sem tíminn leið, ábyrgðin jókst og hann sannaði sig í starfinu.

Laun sem landsliðsþjálfari Nígeríu

Samkvæmt nígerískum vefmiðlum var Lagerbäck með um 170 milljónir íslenskra króna fyrir fimm mánaða samning hjá landsliði Nígeríu. Ef upphæðinni er deilt niður á mánuðina fimm fæst að mánaðarlaunin voru um 34 milljónir íslenskra króna á mánuði.

Það þarf engan stærðfræðing til þess að átta sig á launamuninum hjá Svíanum í stöðunum tveimur. Launin hjá Nígeríu voru tæplega tíu sinnum hærri.

Lagerbäck tók við landsliði Nígeríu í febrúar 2010 og stýrði því fram yfir heimsmeistaramótið í Suður-Afríku. Hann hafnaði boði knattspyrnusambandsins um að halda áfram. Töluverðrar ánægju gætti með ákvörðun hans í Nígeríu þar sem hann hafði verið töluvert gagnrýndur fyrir laun sín, liðsval og taktík.

Ársreikningur KSÍ 2010

Fróðlegt er að rýna í ársreikning KSÍ frá árinu 2010 til þess að fá einhverja hugmynd um hversu miklum fjármunum sé eðlilegt að verja í næsta landsliðsþjálfara. Hér má lesa ársreikninginn í heild sinni. Tekið skal fram að undirritaður hefur enga sérþekkingu þegar kemur að fjármálum heldur rýndi aðeins í skýrsluna til að svara forvitni sinni.

Áhugavert er að skoða kostnað sambandsins við A-landslið karla annars vegar og laun og launatengd gjöld hins vegar. Kostnaður við landsliðið nam um 92 milljónum króna. Laun og launatengd gjöld við 16 starfsmenn á skrifstofu KSÍ námu um 111 milljónum króna.

KSÍ stendur vel fjárhagslega og handbært fé sambandsins nam um 319 milljónum króna um síðustu áramót. Sambandið var þó rekið með tæplega 16 milljóna króna halla á árinu 2010. Tapið virðist helst mega reka til gengismismunar auk þess sem sambandið styrkti aðildarfélög utan efstu deildar um 51 milljón króna sem ekki hafði verið gert ráð fyrir í fjárhagsáætlun.

Hagnað eða tap síðustu þriggja ára má sjá í töflunni hér til hliðar. Tæplega 50 milljóna króna afgangur var af rekstrinum árið 2009 en 163 milljóna króna tap árið á undan. Töluverðar sviptingar eru því á milli ára.

Ólafur láglaunamaður samanborið við erlendan kost

DV greindi frá því að Ólafur Jóhannesson hafi verið með 9,3 milljónir króna í árslaun árið 2010 hjá KSÍ eða 775 þúsund krónur á mánuði. Það er augljóst mál að hæfur erlendur þjálfari fæst ekki fyrir þess lags laun. En hversu langt er rétt að ganga? Talað hefur verið um að erlendum þjálfara þurfi að greiða 70-80 milljónir á ári eða sem nemur um 6 milljónum króna á mánuði.

Ekki veit ég hvaðan sú tala er upphaflega komin og veit því ekki hvað sé satt eða rétt í því. Sú upphæð eru tvöföld laun Svíans í starfi hjá sænska knattspyrnusambandinu en aðeins 18 prósent af ofurlaunum hans hjá nígeríska landsliðinu.

Svo er áhugavert að setja 70-80 milljónir í samhengi við launaliði úr ársreikningnum 2010. Þar nam heildarkostnaður við A-landsliðið um 92 milljónum króna og launakostnaður á skrifstofu sambandsins um 111 milljónum króna.

Hvað finnst sparkspekingum?

Fróðlegt væri að heyra skoðanir ykkar á því hversu langt sé eðlilegt að KSÍ gangi til þess að tryggja sér þjónustu Svíans eða annars erlends aðila. Augljóslega mun KSÍ aldrei greiða laun í líkingu við þau sem Lagerbäck fékk í Nígeríu. Upphæðin mun samt alltaf nema nokkrum tugum milljóna króna. Sjálfur sé ég mikla kosti við erlendan þjálfara en þó má ekki kollvarpa rekstri sambands félaganna í landinu. Sé hægt að afla aukinna tekna í gegnum styrktaraðila eða eftir öðrum leiðum til að aðstoða við svo metnaðarfullt verkefni er þetta ekki vandamál í mínum huga.

*Allar upphæðir miða við gengi gjaldmiðla 11. október 2011

I was in a terrible state, so I had another treble brandy, took another tablet and went out and played a blinder. Afterwards, I went home and fell asleep. Next morning I asked Jimmy “Five Bellies” how I had done. “Look at the table,” he said, pointing to a bottle of champagne. “You won man of the match.”

Paul Gascoigne