Ellefu leikmenn Arsenal:
Lehmann, Lauren, Campbell, Toure, Cole, Vieira, Ljungberg, Silva, Pires, Bergkamp, Henry

Myndagetraun:
Aron Einar Gunnarsson, Cavani, N’Zogbia, Donovan, Falcao, Götze, Spearing, Henderson, Paddy Kenny og Ronaldo

1. Spurt er um leikvang. Leikvangurinn tekur rúma 50 þúsund áhorfendur í sæti. Á þessum leikvangi fór úrslitaleikur Meistaradeildar Evrópu fram á 21. öld þar sem stærra liðið fór með sigur af hólmi. Þar fór einnig fram úrslitaleikurinn í hinni Evróukeppninni, þ.e. UEFA bikarnum eða Evrópudeildinni – hvaða heiti sem keppnin hafði á þeim tíma. Tvö lið frá sömu borg og leikvangurinn stendur í hafa orðið landsmeistarar á öldinni. Hvorugt liðanna spilar þó á leikvanginum sem um er spurt. Íslenska karlalandsliðið hefur spilað oftar en einu sinni á þessum velli á þessari öld. Hver er leikvangurinn? – Hampden Park

2. Keflvíkingar töpuðu 2-0 á heimavelli fyrir Fram í lokaumferð Íslandsmótsins árið 2010. Heimamönnum dugði sigur til að tryggja sér Íslandsmeistaratitilinn en féllu á prófinu. Leikurinn var í beinni útsendingu á Stöð 2 Sport þar sem Hörður nokkur Magnússon fór á kostum í lýsingu. Sérstaklega sleppti Höddi sér í síðara marki Framara sem kom eftir skyndisókn. Hver skoraði mark Framara? – Hjálmar Þórarinsson

3. Liverpool vann sinn fyrsta bikar í sex ár síðastliðinn sunnudag með sigri á Cardiff í úrslitum deildabikarsins. Liverpool beið lægri hlut síðast er liðið lék til úrslita í sömu keppni og varð Steven Gerrard meðal annars fyrir því óláni að skora sjálfsmark í leiknum. Hvernig fór leikurinn og hver var andstæðingurinn? – Chelsea, 2-3

4. KR varð bikarmeistari í knattspyrnu karla sumarið 2011 eftir 2-0 sigur á Þór. Þórsarar voru að flestra mati betri aðilinn í leiknum og skutu meðal annars nokkrum sinnum í þverslá KR-marksins. Hversu oft smnskall boltinn í þverslá Hannesar Þórs í marki KR? – 5 sinnum

5. Ungur Fylkismaður hefur samið við hollenska félagið PSV Eindhoven. Leikmaðurinn kom töluvert við sögu síðastliðið sumar hjá Fylki og stóð sig vel á miðjunni. Bróðir hans fór ungur að árum til Ipswich en hefur glímt við erfið meiðsli undanfarin ár. Hvað heitir Hollandsfarinn ungi? – Hjörtur Hermannsson

6. Í kappleik í ensku úrvalsdeildinni árið 2005 vakti meirihlutaeigandi Norwich athygli. Eigandinn, sem var kvenkyns, greip hljóðnemann í hálfleik þegar staðan var slæm og talaði til stuðningsmanna: „Hér eru skilaboð til bestu stuðningsmanna heims. Við þurfum tólfta mann. Hvar eruð þið? Hvar eruð þið? Látið í ykkur heyra, come on!“ Athæfið vakti mikla athygli og vakti ekki sérstaka lukku hjá stuðningsmönnum Norwich. Hvað heitir þessi ágæta kona? -Delia Smith

7. Einn stærsti sigurinn í seinni tíð í íslenska boltanum átti sér stað í lokaumferð Íslandsmótsins 2003. Þá steinlágu Íslandsmeistarar KR 7-0 gegn FH. Einn leikmaður FH skoraði þrennu þennan dag. Hver var það? – Guðmundur Sævarsson

8. Ísland sigraði Tékkland 3-1 á Laugardalsvelli í undankeppni HM 2002. Eyjólfur Sverrisson, Andri Sigþórsson og Helgi Sigurðsson skoruðu mörk Íslands. Tékkar minnkuðu muninn seint í leiknum með marki frá einum af þekktari leikmönnum þeirra. Sá vann meðal annars Meistaradeildina árið 2007. Hver skoraði markið? – Marek Jankulovski

9. Íslenska U-21 árs landsliðið komst í úrslitakeppni EM 2011 eftir magnaða undankeppni þar sem Þjóðverjar voru meðal annars slegnir út. Það gekk hins vegar ekki jafnvel þegar í lokakeppnina var komið. Einn leikur vannst og tveir töpuðust. Hver var markatala Íslands í keppninni? 3-5

10. Úrslitaleikur Meistaradeildarinnar árið 2001 fer ekki í sögubækurnar fyrir skemmtilegheit. Reyndar voru skoruð í honum ellefu mörk en öll komu þau úr vítaspyrnum. Valencia komst yfir með marki úr vítaspyrnu á 2. mínútu og skömmu síðar fékk Bayern tækifæri til að jafna út vítaspyrnu. Canizarez varði hins vegar spyrnu Mehmet Scholl. Bayern fékk annað víti í upphafi síðari hálfleiks og þá steig annar maður á punktinn sem skoraði líka. Fleiri mörk voru ekki skoruð í venjulegum leiktíma og framlengingu og því var gripið til vítaspyrnukeppni. Þeir sem skoruðu úr spyrnum sínum í venjulegum leiktíma gerðu það líka í vítakeppninni. Hverjir voru markaskorararnir þetta hundleiðinlega kvöld í Mílanó? – Mendieta og Effenberg

11. Markakóngur EM 2008 skoraði fjögur mörk, öll í riðlakeppninni. Hver er hann? – David Villa

12. Spurt er um nafn. Þetta nafn ber einn besti leikmaður sem spilað hefur í íslensku deildinni á þessari öld. Þetta nafn ber stjórnarformaður knattspyrnuliðs í London. Þetta nafn ber hægri bakvörður Fram í efstu deild. Þetta nafn bar knattspyrnustjóri West Ham á þeim tímapunkti þegar Eggert Magnússon og Íslendingarnir tóku yfir félagið. Hvert er nafnið? – Alan

13. George Elokobi er einn dáðasti leikmaðurinn í ensku knattspyrnunni hér á landi þökk sé umfjöllun Messumanna. Hvers lenskur er Elokobi? – Kamerún

14. Markakóngur ensku úrvalsdeildarinnar tímabilið 2008-2009 skoraði aðeins 19 mörk í 37 leikjum. Það var lægsti markafjöldi í tíu ár. Sá sem var markakóngur lék með liðinu sem hafnaði í þriðja sæti deildarinnar. Hann er 32 ára í dag og hefur skipt um lið. Um 11 þúsund kílómetrar skilja að aðsetur nýja félagsins frá því gamla. Hver er leikmaðurinn? – Nicolas Anelka

15. Leeds United skipti nýverið um knattspyrnustjóra. Ekki voru allir Leedsarar sáttir enda vilja flestir skipta um eiganda og losna þar með við Ken Bates. Stjórinn sem fór frá Leeds er nú tekinn við Huddersfield og viti menn, Jóhannes Karl Guðjónsson er aftur byrjaður að spila fótbolta. Hvað heitir þessi knattspyrnustjóri og hvað heitir knattspyrnustjórinn sem Jói Kalli var úti í kuldanum hjá, stýrði liðinu í 44 leikjum í röð án þess að tapa en var samt rekinn fyrir nokkrum vikum? – Simon Grayson og Lee Clark

16. Scott Parker fékk fyrirliðabandið í vináttuleik Englands og Hollands í gær við misgóðar undirtektir knattspyrnuunnenda. Flestir eru þó á því að Parker sé frábær knattspyrnumaður en hann lék með fjórum úrvalsdeildarfélögum í Englandi á þessari öld áður en hann samdi við Tottenham. Hver eru félögin fjögur? – Charlton, Chelsea, Newcastle, West Ham

17. Lionel Messi er að margra bati besti knattspyrnumaður heimsins og sumra mati sá besti nokkru sinni. Messi fagnar mörkum sínum ávalt með því að lyfta fingrum í átt til hims til minningar um ákveðin aðila. Hver er aðilinn? – Amma hans

18. Ungur Framari hefur heldur betur slegið í gegn hjá stórliði Juventus á Ítalíu. Framarinn, sem er á 19. aldursári, átti verstu mögulegu byrjun hjá ítalska liðinu. Fyrst fékkst leikheimild ekki fyrir hann og svo reif hann liðþófa í hné. Svo fór sólin að skína hjá kappanum og hann hefur látið mikið að sér kveða hjá varaliðinu og var nýverið valinn í U21 árs landsliðið. Hvað heitir leikmaðurinn? – Hörður Björgvin Magnússon

19. Landslið Sambíu varð Afríkumeistari í knattspyrnu á dögunum. Afar óvæntur sigur hjá þjóð sem þurfti að byggja upp nýtt landslið eftir að gullaldarkynslóð þjóðarinnar lést í flugslysi árið 1993. Eins merkilegt og það er varð flugslysið fyrir 19 árum í sama Afríkulandi og þar sem Sambíumenn tryggðu sér Afríkumeistaratitilinn. Hvert er landið? Gabon

20. Raðið eftirfarandi knattspyrnusnillingum í aldursröð. Frá þeim yngsta til þess elsta. Kaka, Zlatan, Mario Götze, Leo Messi og Cristiano Ronaldo. – Götze, Messi, Ronaldo, Kaka, Zlatan

21. Vincente Calderon er heimavöllur Atletico Madrid. Lið í Championship-deildinni hefur á að skipa tveimur Spánverjum. Annars heitir Vincente Rodriguez og hinn Inigo Calderon. Gaman að því. Félagið vann C-deildina, League one, í fyrra og spilar á Falmer-vellinum. Viðurnefni félagsins er Mávarnir. Hvert er félagið? Brighton Hove and Albion

22. Sama íslenska félagið varð bikarmeistari árið 2001 og 2002. Fyrra árið þurfti vítaspyrnukeppni til gegn KA en hið síðar lágu Framarar 3-1. Hvert er liðið? – Fylkir

23. Leeds United fór mikinn um aldamótin, sérstaklega í Evrópukeppnum. Félagið komst í undanúrslit UEFA bikarsins og Meistaradeildar tvö ár í röð. Leeds eyddi líka miklum fjármunum í leikmenn. Þeirra dýrastur var leikmaður sem gekk til liðs við félagið frá West Ham á 18 milljónir punda og var gerður að fyrirliða um leið. Hver er leikmaðurinn? – Rio Ferdinand

24. Jose Mourinho er einn sigursælasti þjálfari 21. aldarinnar. Hann vann fjölda titla með Porto, Chelsea og Inter en hversu marga hefur hann unnið sem knattspyrnustjóri Real Madrid? – Einn

25. Hvaða enski knattspyrnumaður á eftirfarandi feril að baki. Ferillinn er í tímaröð. Charlton – Leeds – West Ham – Newcatle – West Ham – Birmingham – Ipswich. Hann á að baki einn landsleik og er á 35 aldursári. – Lee Bowyer

26. Á rúmu ári hafa þrír heimsfrægir knattspyrnumenn slegið metið „elsti leikmaðurinn til að skora í Meistaradeildinni“. Þeir eru allir fæddir árið 1973. Þeir hafa allir verið í sigurliði í Meistaradeild Evrópu. Einn þeirra hefur orðið heimsmeistari, annar spilað í tveimur heimsmeistaramótum en ekki verið valinn í hópinn af óskiljanlegum ástæðum í tvö önnur skipti, sá þriðji hefur aldrei spilað á HM. Hverjir eru leikmennirnir? – Zanetti, Inzaghi og Giggs

27. Íslenska landsliðið hefur nú spilað tvo landsleiki undir stjórn Lars Lagerback. Báðir töpuðust þrátt fyrir fína spretti en hafa verður í huga að andstæðingarnir eru mun hærra skrifaðir en Ísland. Hverjir voru í kantmenn Íslands í leikjunum tveimur? – Emil Hallfreðs, Rúrik Gísla, Arnór Smára og Þórarinn Ingi Valdimarsson

28. Sumarið 2003 féll Grindavík úr forkeppni UEFA keppninnar gegn austurrísku félagi. Eftir 2-1 tap úti voru Grindvíkingar 1-0 yfir og 90 mínútur komnar á klukkuna. Þá gerði markvörður Grindavíkur sig sekan um slæm mistök þegar hann missti máttlítið skot í markið. Evrópudraumurinn úti. Hvaða félag sló Grindavík út og hvaða Íslendingur lék með því? – Karnten og Helgi Kolviðsson

29. Hvaða Íslendingur hefur spilað flesta A-landsleiki fyrir Íslands hönd, 112 leiki? – Katrín Jónsdóttir

30. Íslenski landsliðshópurinn er laus við áfengi á meðan Lars Lager-back stýrir liðinu. Lagerback rak þrjá leikmenn sænska landsliðsins úr landsliðinu fyrir leik í undankeppni EM 2008. Þeir virtu ekki reglur liðsins og voru sendir heim. Reyndar var leikurinn gegn Liechtenstein og ég velti fyrir mér hvort hann hefði tekið sömu ákvörðun hefði leikurinn verið útileikur gegn Hollandi. Anyhow, hverjir eru leikmennirnir þrír sem hvíldu einn landsleik? – Zlatan, Olaf Mellberg, Christian Vilhelmsson