|
Dæmi um slakar færslur íslenska liðsins |
|
Höfundur: Bjössi
|
|
Friday, 22 August 2008 |
|
 Eins og áður segir var ég ekkert allt of hrifinn af hreyfingum íslensku landsliðsmannanna inni á vellinum í landsleiknum um daginn. Helst var það Eiður sem reyndi að koma sér í svæði og spila þríhyrninga, en annars virtist enginn áhugi á því.
Lítum á eitt dæmi úr leiknum (þið afsakið krotið): Hér er Bjarni Ólafur með boltann í vinstri bakverðinum. Fyrir framan hann er Azeri og einnig hægra megin við hann. Jóhann stendur á kanntinum og fylgist með, býður sig hvorki í hlaupið né niður á miðjuna til að opna fyrir sendingarmöguleika. Hermann stendur einhverra hluta vegna töluvert framar en hann ætti að vera og horfir á, með sóknarmann milli sín og Bjarna en getur auðveldlega bakkað niður og boðið sig í boltann. Kristján Örn er of langt frá til að hætt sé á að krossa boltann yfir og er ekki að bjóða sig í boltann, sennilega þar sem Hermann á að vera þarna megin í vörninni. Hvað á Bjarni að gera í þessari stöðu? Það hefur enginn leikmanna áhuga á að auðvelda honum eitt né neitt. Þetta var alveg lýsandi fyrir leik liðsins í leiknum. Þetta endaði náttúrulega með því að Bjarni reyndi að bomba upp kantinn, vonandi að Jóhann tæki hlaupið, en boltinn endaði í innkasti. Því miður var þetta allt of oft svona og ég hef ekki mikla trú á liðinu ef það heldur þessu áfram.
|