Sammarinn - Valið á Jimmy Bullard

You are here: Forsíða

Greinasafn

Enski boltinn

Valið á Jimmy Bullard

Höfundur: Bjössi

Monday, 01 September 2008

Það hefur vakið nokkra athygli að Jimmy Bullard sé í enska landsliðshópnum nú fyrir fyrstu leikina í undankeppni HM. Hann kemur inn í hópinn í fjarveru Steven Gerrard og er þá tekinn fram yfir leikmenn á borð við Michael Johnson, Leon Osman, Mark Noble og Phil Jagielka.

Að mínu mati er þetta gott val hjá Capello. Það sem hefur oft og tíðum takmarkað getu Englendinga á vellinum er að stjörnurnar á miðjunni, Gerrard og Lampard, hafa hægt á spilinu og virst einbeita sér of mikið að því að spila of góðan fótbolta, ef það meikar eitthvað sens að halda slíku fram. Ég á í raun við að við sáum breytinguna sem Gareth Barry kom með inn í liðið. Þar var kominn leikmaður sem kom með auka kraft inn í leik liðsins, en þannig hefur Englandi einmitt gengið best á síðustu árum; þegar menn eru dýrvitlausir og spila fljótan og fastan fótbolta, rétt eins og í deildinni.

Jimmy Bullard er akkúrat þannig leikmaður. Hann er gríðarlega duglegur, pressar menn framarlega á vellinum og virðist leika best þegar á brattann er að sækja. Hann er öðruvísi leikmaður en Michael Johnson, ekki endilega betri, en ég held að það hafi verið réttara að velja hann þar sem Lampard er í hópnum og þeir Johnson hafa verið í svipuðu hlutverki hjá sínum liðum.

Hins vegar lýsi ég enn eftir Kevin Davies í enska landsliðið en verð sennilega að kyngja því að hans tækifæri er liðið.

Ummaeli

Skrifa ny ummaeli

Leita